شرح مفصل وبسيط لصناعة اكسبرتك بنفسك -Expert Advisor Builder

[Amir]

   

 

 

بسم الله الرحمن الرحيم

السلام عليكم
هذا الموضوع منقول أصلا و ذلك لما فيه من فائدة على الجميع إن شاء الله
وهو للأخ Eng.Hamada في منتدى جيراننا

بسم الله الرحمن الرحيم

بإذن الله هقوم بشرح كفية استخدام موقع ExpertAdvisorBuilder لصنع الاكسبرتات

الموقع

Expert Advisor Builder for MetaTrader 4

للتسهيل في الشرح هعتبر كمثال اني عايز اعمل اكسبرت يشتري لما يحصل تقاطع للاستوكاستك للاعلي ويبيع لما يحصل تقاطع للاسفل

1 - المتغيرات : دي نقطة مش هنحتاج نرفها دلوقتي وبإذن الله هشرحها بعد كده
​

2-استراتيجية الشراء : ودي عبارة عن الشروط اللي لما بتتحقق بيقوم الاكسبرت بعمل امر شراء
​

3- استراتيجية البيع: ودي عبارة عن الشروط اللي لما بتتحقق بيقوم الاكسبرت بعمل امر بيع
​

4- استراتيجية اغلاق اوامر الشراء : ودي عبارة عن الشروط اللي لما بتتحقق بيقوم الاكسبرت بإغلاق اوامر شراء اللي الاكسبرت فتحها قبل كده
​

5- استراتيجية اغلاق اوامر البيع : ودي عبارة عن الشروط اللي لما بتتحقق بيقوم الاكسبرت بإغلاق اوامر البيع اللي الاكسبرت فتحها قبل كده
​

6- خيارات الاوامر : ودي اللي متضمنه حجم اللوت والتيك بروفت والاستوب لوس

دلوقتي انا عايز اعمل اكسبرت بيشتري لما يحصل تقاطع لخطي الاستوكاستك للاعلي وده معناه

أ- خط ال main يقطع خط ال signal للاعلي يعني في الشمعه قبل اللي فاتت" رقم 2 زي ما في الصورة" كان السيجنال اكبر من خط المين

ب_ وفي الشمعه اللي فاتت "رقم 1" اصبح المين اكبر من السيجنال كده يبقي حصل التقاطع
​

تعالو بقه نطبق الكلام ده

هروح لBuy strategy هضغط علي add



وهلاحظ هنا ان في مربعين عندي واحد شمال والثاني يمين وفي النص مربع بيوضح العلاقه اللي بينهم
نكمل





دلوقتي معني اللي عملته ايه ان انا قلت للاكسبرت لما يكون في الشمعه قبل للي فاتت "رقم2" خط المين "K%" للاستوكاستك 5,3,3 **** ده كده الجنب الشمال **** نكمل بقي عايزين نقله لو اقل من السيجنال

كده انا عملت اول شرط هضغط علي add تاني علشان اضيف شرط اخر وهو وفي الشمعه اللي فاتت "رقم 1" اصبح المين اكبر من السيجنال

نكمل دلوقتي عايزين نعمل شروط البيع
اولا لازم اكون مفصل الشروط
انا دلوقتي عايز الاكسبرت يبيع لما خط السيجنال يقطع خط المين والتقاطع للأسفل زي ما في الصورة

​

​

​

​

يبقي الشروط اللي عندي
1 - في الشمعة قبل اللي فاتت رقم 2 كان خط السيجنال اقل من خط المين
و
2 - في الشمعه اللي فاتت رقم 1 كان خط السيجنال اكبر من المين
نطبق بقي اللي قلناه ده
هنعمل زي ما في الصور بالظبط

​

​

كده احنا عملنا اول شرط
نعمل بقي الشرط التاني هضغط مرة اخري علي ADD

هلاقي اتضاف عندي الجزء الخاص بالشرط التاني وهلاقي هنا المربع اللي مكتوب فيه كلمة AND الكلمة دي معنها انه علشان الاكسبرت يعمل امر بيع يبقي لازم يتحقق الشرط الاول و الشرط التاني والنقطة دي هنحتاجها قدام ​

نكمل

كده هنكون خلصنا الجزء الخاص بالبيع وهنكون خلصنا اول اكسبرت لينا واللي بيقوم بالشراء لما يحصل تقاطع بين خطي الاستوكاستك للاعلي وبيبيع لما يحصل تقاطع بين خطي الاستوكاستك للأسفل
نعمل save للإكسبرت بنفس الطريقة اللي شرحتها وهي اني بروح لخيارات الاكسبرت وبتغط علي complete وبعمل save

​

اتمني ان اللي تابع الموضوع يقوم بتطبيق الخطوات من اول الموضوع الي اخر خطوة ويرفع الاكسبرت هنا بالموضوع كبداية علشان لو في اي حد قابلته مشكله او استفسار يتقال دلوقتي علشان ندخل في جزء متقدم اكتر شوية

منتظر اسئلتكم وبإذن الله هكمل شرح الموقع بنفس الطريقة وهي تطبيق عملي لاستخدامه


كده انا جمعت الخطوات من الاول خالص بالترتيب وبعد انتهاء تنفيذها هبقي عملت اكسبرت بيشتري بتقاطع الاستوكاستك للاعلي وبيبيع بتقاطع خطي الاستوكاستك للأسفل وبهدف 6 نقط واستوب لوز 3 نقط ولما بشغل الاكسبرت بقدر اغير في الهدف والاستوب زي ما انا عايز بإذن الله بكره هشرح ازاي اقدر استفيد من خاصية اغلاق اوامر الشراء واغلاق اوامر البيع وازاي اقدر استخدم اكثر من شرط للدخول في الشراء او البيع
​

​

​

​

 

[Amir]

   

 

 

سؤال : كيف نضيف مؤشر خارجي؟

جواب :
​

اولا نفترض ان في مؤشر عندي بيرسم الدعوم والمقاومات اسمه S&R
اول حاجة لازم اعرفها المؤشرات اللي هقدر ارفعها علي الموقع هي المؤشرات اللي بقدر اتحكم في الوان خطوطها بس زي المؤشر ده كده

نفترض انا عايز الاكسبرت يشتري لما الشمعه اللي فاتت تقفل فوق المقاومة للشمعه اللي قبلها
​

هنروح علي طول للجزء الخاص باوامر الشراء

يبقي كده انا عرفت اني بختار custom indicator وبعدها بكتب اسم المؤشر وكلمة mode بكتب قدامها رقم الخط اللي عايز اتعامل معاه ودي بوصلها عن طريق لون الخط بكتب الرقم اللي مكتوب قبله زي ماهو موجود في اول صورة

كده انا لو رحت للاوردر اوبشن وكتبت التيك بروفت اللي عايزه والاستوب لوز هبقي كده عملت اكسبرت بيشتري لما شمعه تقفل فوق خط المقاومة اللي بيرسمه مؤشر S&R ويارب اكون جاوبت علي استفسارك وفي انتظار اي اسئلة اخري

مرفق مؤشر S&R علشان لو حد عاز يطبق الخطوات دي عملي


​

 

[Wa'el F]

   

 

 

شكرا عالمعلومات

بارك الله فيك اخي عامر نرجو منك المواصلة ويعطيكي كل العافيه

 

[Amir]

   

 

 

بارك الله فيك اخي عامر نرجو منك المواصلة ويعطيكي كل العافيه

شكرا على مرورك الطيب أخي
​

 

[Amir]

   

 

 

السلام عليكم
​

تطــبيق

مثلا نفترض انك بتسجل عندك هاي ولو شمعة اليوم السابق وبتسجل امر شراء معلق فوق الهاي ب 15 نقطة وامر بيع تحت اللو ب 15 نقطة
يبقي اللي هعمله بدل ما اعلق اوامر هقول لو السعر " Bid علشان بدون سبريد لو بالسبريد كنا قلنا اسك " وصل فوق الهاي ب 15 نقطة مثلا يبقي اشتري والهدف يبقي 60 نقطة

يبقي هنعمل التالي

وكده بقي عندي في الاكسبرت متغيرين "مخزنين " .... مخزن رقم 1 " والموقع بيسميه Var#1 " وده مخزن فيه هاي اليوم السابق ومخزن رقم 2 " والموقع بيسميه Var#2 " وده مخزن فيه لو اليوم السابق

هروح للجزء الخاص باوامر الشراء المفروض انا عايز الاكسبرت يشتري لما ال " Bid " يبقي اكبر من او يساوي هاي اليوم السابق + 15 نقطة

كده هروح لاخر نقطة والخاصة ب التيك بروفت وحفظ الاكسبرت اللي عملته

ويارب اكون شرحت اللي حضرتك طالبه

طبعا ينفع اشتغل بالاكسبرت ده كاسكربت كل اللي هعمله انه بعد ماينزل عندي علي الجهاز هنقله لمجلد الاسكربتات اللي موجود في الميتا تريدر


​

 

[Eng.Hamada]

   

 

 

طب مش مكمل شرح بقه هههههههههههههههههههههههههههههههههههه
بارك الله فيك وبشكرك علي حاجتين اول حاجة انك بتنشر علم وثاني حاجة انك مش نسيتني ونوهت عني في اول الموضوع ومضيعتش مجهودي .
وهفرح اكثر لو عملتوا مثال وطبقتوه عملي هنا بالمنتدي هتكونوا اول منتدي عمل كده ,, وانا تحت امركم في اي استفسارات ,, والله ولي التوفيق

 

[Admin]

   

 

 

طب مش مكمل شرح بقه هههههههههههههههههههههههههههههههههههه
بارك الله فيك وبشكرك علي حاجتين اول حاجة انك بتنشر علم وثاني حاجة انك مش نسيتني ونوهت عني في اول الموضوع ومضيعتش مجهودي .
وهفرح اكثر لو عملتوا مثال وطبقتوه عملي هنا بالمنتدي هتكونوا اول منتدي عمل كده ,, وانا تحت امركم في اي استفسارات ,, والله ولي التوفيق

منور المنتدى يا باشا و اتوقع الاخ shu75 طبق الموضوع بشكل عملي على rsi

 

[Eng.Hamada]

   

 

 

منور المنتدى يا باشا و اتوقع الاخ shu75 طبق الموضوع بشكل عملي على rsi

النور نورك ياغالي وقصدي بالتطبيق تطبيق بالشرح لإفادة الاخرين

 

[dr.ahmed]

   

 

 

كالعادة امير يبدع بموضوع مهم خصوصا للمهتمين بالاكسبيرتات
وتطبيق استراتيجيتهم على السعر بدون مراقبة الشارت خصوصا لغير المتفرغين

ان شاء الله نجد اعضاء مستفيدين بهذا الموضوع الرائع ويقوموا بالفعل بصناعة اكسبيرتاتهم بانفسهم

بالتوفيق ياغالي واستمر في عطائك

 

[dr.ahmed]

   

 

 

طب مش مكمل شرح بقه هههههههههههههههههههههههههههههههههههه
بارك الله فيك وبشكرك علي حاجتين اول حاجة انك بتنشر علم وثاني حاجة انك مش نسيتني ونوهت عني في اول الموضوع ومضيعتش مجهودي .
وهفرح اكثر لو عملتوا مثال وطبقتوه عملي هنا بالمنتدي هتكونوا اول منتدي عمل كده ,, وانا تحت امركم في اي استفسارات ,, والله ولي التوفيق

في البداية اهلا بك يا باشمهندس في بيتك الثاني عرب فوركس
ونورت المنتدى بوجودك




ان شاء الله يقوم احد الاعضاء بتطبيق الموضوع عملي وصنع اكسبيرت مستفيدا بالشرح لسابق للمتميز أمير والمنقول عن موضوعك بغرض نشر العلم

بالتوفيق

 

[SUH75]

   

 

 

مشكور جدا على الشرح فعلا طبقت الموضوع على rsi وطبقته على مؤشرات اخرى واشتغلت معاي الاوامر
تحياتي للجميع

 

[abuzad]

   

 

 

ممكن شرح استراتيجية توصيات على مؤشر ema او اي مؤشر يكون 100%
واذا كان عندي استراتيجية فكيف اعدل فيها
وشكراً

 

[Amir]

   

 

 

طب مش مكمل شرح بقه هههههههههههههههههههههههههههههههههههه
بارك الله فيك وبشكرك علي حاجتين اول حاجة انك بتنشر علم وثاني حاجة انك مش نسيتني ونوهت عني في اول الموضوع ومضيعتش مجهودي .
وهفرح اكثر لو عملتوا مثال وطبقتوه عملي هنا بالمنتدي هتكونوا اول منتدي عمل كده ,, وانا تحت امركم في اي استفسارات ,, والله ولي التوفيق

شكرا على مرورك الطيب يا بشمهندس و شكرا لك على الشرح الوافي ونحن سعداء بتواجدك معنا و متشرفين بمواضيعك الممتازة في عرب فوركس
​

 

[george76]

   

 

 

شكرا لك على هذا المؤشر التقدمة
تحيات

 

[elmobermeg]

   

 

 

أعجبني الموضوع و وجدت بانه عمل متعوب عليه
فبارك الله في ناقل الموضوع و في صاحب الموضوع الاصلي​

 

[Eng.Hamada]

   

 

 

أعجبني الموضوع و وجدت بانه عمل متعوب عليه
فبارك الله في ناقل الموضوع و في صاحب الموضوع الاصلي​

الف شكر ليك وبارك الله فيك ايضا
انا بقالي فترة بعيد عن المنتديات ولسه راجع من مده بسيطه
بجد موضوعك لعمل الباك تست روعه وتسلم ايدك عليه وبارك الله فيك وفي مجهودك

 

[Eng.Hamada]

   

 

 

انا عملت شرح الموضوع في سلسلة فيديو وأول فيديو هو مقدم لصديق عزيز جدا ليا وحاطط لوجو بإسم منتداه في اول الفيديو فمش عارف هل هينفع احط الفيديو هنا مباشرة بالموضوع ولا لا
عامة للوصول للفيديو هتدخل علي جوجل او يوتيوب وهتكتب في البحث اصنع اكسبرتك بنفسك وهيتعرض الفيديو .
واي استفسارات انا تحت امركم وبإذن الله الفيديو الجاي هيكون عن استخدام الموفنج افريج

 

[fawazcabo]

   

 

 

بارق الله فيك ويعطيك العافى اخى

 

[mustafa alhafidh]

   

 

 

عشت اخي العزيز بس حبيت تساعدني بصنع اكسبيرت لمؤشر rsi يعني من يوصل المؤشر الى 25 على فريم النص ساعة يقوم بالشراء ومن يوصل 75 يقوم بالبيع

وبالحالتين الاغلاق يكون عال 50

وشكرا ياغالي

 

[elmobermeg]

   

 

 

عشت اخي العزيز بس حبيت تساعدني بصنع اكسبيرت لمؤشر rsi يعني من يوصل المؤشر الى 25 على فريم النص ساعة يقوم بالشراء ومن يوصل 75 يقوم بالبيع

وبالحالتين الاغلاق يكون عال 50

وشكرا ياغالي

اخي الحبيب
صاحب الموضوع وضعه لتقوم انت بصناعة اكسبرتك بنفسك
ولكن في حالة ما كنت في حاجه الى اكسبرت يمكننا مساعدتك
على ان تشارك فكرتك مع الاخوه بفتح موضوع وتتابعه ببعض الاشارات الناجحه و سيكون طلبك محقق باذن الله​